Manadra / manader gestiun tecnica

Arbeitgeber: Cumün da Val Müstair

Manadra / manader gestiun tecnica


Per la planisaziun, la realisaziun e la survaglianza d`incumbenzas e per la guida dal persunal dal uffizi tecnic tscherchain nus pels 1. gün 2020 o tenor cunvegna ün(a)

Manadra / manader gestiun tecnica

cun ün pensum da 80 - 100%

Lur champ d`incumbenzas:

Ella/El organisescha e maina la gestiun tecnica dal cumün ed es in quista funcziun respunsabla pel persunal dal uffizi tecnic. Ella/El es respunsabel per las infrastructuras i`l sectur cumünal da las fracziuns sco eir per quels implants d`avertüra-, provedimaint ed allontanamaint. Ella/El pissera, cha`l meglder accumplimaint pussibel da las funcziuns cumünalas ed il mantegnimaint da l`infrastructura sun garantits in lur sectur da respunsabiltà. Ella/El realisescha, in coordinaziun cul post superiur, in möd independent concepts, lavuors da progettaziun e da direcziun da construcziun obain organisescha la prestaziun adequata tras terzs. Ella/El ha bunas cugnuschentschas dal sectur da fabrica da la construcziun ota ed es eir respunsabel per l`elavuraziun dals permiss da fabrica e tuot la procedura correspundenta.
Ella/El es respunsabel per la guida dal cataster d`immobiglias, da construcziun e da condots.


Lur profil:

  • Indschegner FH obain scolaziun equivalenta
  • Experienza da progettaziun-, direcziun da construcziun- e da guida
  • Cumpetenza sociala, abiltà da team e da comunicaziun
  • Capacità d’organisaziun e da sa far valair
  • Cugnuschentschas dal dret da fabrica e da planisaziun
  • Bunas cugnuschentschas dal adöver dals mezs da l’elavuraziun electronica da datas
  • Prontezza da vulair imprender la lingua rumantscha

Nus spordschain:

  • Incumbenza multifaria in ün cumün bain structurà
  • Üna direcziun chi Tilla/Til sustegna
  • Üna natüra e cuntrada cultivada ed intacta
  • Cundiziuns d’ingaschamaint seguond cundiziuns chantunalas

Cumanzamaint da lavur 1. gün 2020 obain seguond cunvegna

Persuna da contact

Rico Lamprecht, president cumünal, Telefon 079 352 30 94, E-mail rico.lamprecht@bluewin.ch

Termin d`annunzcha

10 marz 2020

Kontakt

Cumün da Val Müstair
Rico Lamprecht
Forum
7537 Müstair