Mneder da l`ufficina

Arbeitgeber: Administraziun cumünela da Celerina/Schlarigna

Mneder da l`ufficina


Pels 1. meg 2020 u tenor cunvegna tscherchains nus ün

capolavuraint da la gruppa da lavuraints (mneder da l‘ufficina)

Sieu champ d’incumbenzas

El es respunsabel per mner la gruppa da lavuraints scu eir per l`organisaziun, la coordinaziun e la realisaziun da tuot las incumbenzas i`l servezzan tecnic. Que cumpiglia ils seguaints champs da lezchas: mantegnimaint da las vias, provedimaint d`ova, alluntanamaint d`ova persa, immundizchas, mantegnimaint dad immobilias, mantegnimaint da plazzas da gö e plazzas da sport, infrastructura per arrandschamaints turistics, mantegnimaint da vias da spassager
d`inviern. El maina ils collavuratuors da la gruppa da lavuraints in maniera autonoma e planisescha lur ingaschamaint (incl. servezzan d`inviern e da piket). In cas dad incumbenzas d`impressari surpiglia el la controlla da las lavuors chi han da gnir evasas.


Sieu profil

Per ün accumplimaint da las incumbenzas cun success dispuona el dad üna scolaziun professiunela tecnica-artisanela scu eir üna scolaziun da polier u üna furmaziun supplementera equivalenta e dad experienza da mner i`l champ servezzan tecnic u mantegnimaint dad infrastructuras. Per tratter cun indigens, giasts ed autoriteds spettains nus üna tenuta orienteda al servezzan. La plazza pretenda üna persunalited cun forza da`s fer valair sco eir la prontezza per ingaschamaints da lavur our dals temps da lavur regulers (servezzan d`inviern e da piket). El as so exprimer in tudas-ch a buocha ed in scrit ed ho cugnuschentschas da la lingua taliauna. Cundiziun es il permiss da manascher cat. B, giavüschabel füss il permiss da manascher cat. C.


Nossa spüerta

Nus Al spordschains ün`activited varieda e respunsabla a cundiziuns d`ingaschamaint actuelas e prestaziuns socielas progressivas. A`L spetta üna squedra motiveda ed il sustegn dals posts superiurs. Nus sustgnins scolaziuns
supplementeras e da perfecziunamaint da noss collavuratuors.

Ch`El as drizza per infurmaziuns per plaschair a:

Sar Marco Rogantini, mneder uffizi da fabrica, tel: 081 837 36 88; mail: marco.rogantini@celerina.ch u a sar Beat Gruber, actuar cumünel, tel: 081 837 36 83; mail: beat.gruber@celerina.ch

Candidaturas in scrit sun dad inoltrer fin als 19 favrer 2020 a l`administraziun cumünela da Celerina/Schlarigna.

Administraziun cumünela da Celerina/Schlarigna

La gruppa da lavuraints cumünels da la vschinauncha da Celerina/Schlarigna pissera cha l`infrastructura funcziuna adüna perfet e cha la vschinauncha as preschainta d`üna vart attractiva per indigens e giasts.
Kontakt

Administraziun cumünela da Celerina/Schlarigna
Via Maistra 97
7505 Celerina
beat.gruber@celerina.ch