üna contabla/ün contabel (100 %)

Arbeitgeber: Cumün da Zernez
  •   Zernez
  •   Vollzeit
  •   Festanstellung / Unbefristet
  •   ab 01.08.2022

üna contabla/ün contabel (100 %)


Viver e lavurar i’l center da l’Engiadina

Per cumplettar nos team in seguit a la pensiun da nos collavuratur tscherchain 

üna contabla/ün contabel per la secziun da finanzas ed impostas


Ella/El surpiglia tanter oter las seguaintas incumbenzas principalas:

  • respunsabiltà administrativa per l‘uffizi d’impostas cumünal (sainza taxaziuns)
  • manar la contabilità da crediturs (contagiar, contabilisar, pajamaints etc.)
  • contagiar e contabilisar (cassas, schec postal, bancas etc.)
  • agüd illa contabilità da debiturs cun facturaziuns da tuottas sorts
  • agüd illa contabilità da pajas
  • agüd illa preparaziun dals preventivs e da dals rendaquints
  • rimplazzamaint dal manader da secziun in temps d‘absenzas


Ella/El lavura in ün pitschen team e sustegna e cumpletta cun Seis ingaschamaint la secziun da finanzas ed impostas.


  • Nus spettain üna scolaziun professiunala da commerzi o üna scolaziun equivalenta, divers ons d’experienza professiunala, cun experienza ill’administraziun publica.
  • Ella/El ha vastas cugnuschentschas da l’EED, es abla/abel da lavurar cun incumbenzas ed ha cugnuschentschas in scrit ed a bocca da la lingua rumantscha e tudais-cha.
  • Implü maina Ella/El iniziativa, möd da lavurar conscienzius, independent, discret e l’abiltà da lavurar in ün pitschen team.

Nus spordschain üna lavur sgüra, variada e vasta in ün team flexibel chi funcziuna bain, üna paja correspundenta, prestaziuns socialas recugnuschüdas ed uras da lavur regladas. Tuot tenor interess ed abiltà es pussibel da surtour in pacs ons la funcziun da manader da la secziun da finanzas ed impostas.

L’entrada in plazza es als 1. lügl 2022 obain tenor cunvegna.

Infuormaziuns da il manader da finanzas Erich Sulser (081 851 44 51) obain il president vcumünal Emil Müller (078 740 29 33).

Annunzchas per quista plazza sun d’inoltrar in scrit culla documainta üsitada fin il plü tard ils 31 schner 2022 culla notizcha «Contabla/el finanzas ed impostas» per mail o per posta.

Kontakt

Cumün da Zernez
Chanzlia
Center cumünal
7530 Zernez
chanzlia@zernez.ch
Website