mainagestiun ill’administraziun da la plaiv 80-100 %.
La Plaiv evangelica-refurmeda d’Engiadin’Ota quinta var 5'000 commembras e commembers da Segl fin a S-chanf ed occupa fin 35 collavuraturas e collavuratuors. Nus tscherchains pels 1. november 2023 u tenor cunvegna ün/üna mainagestiun ill’administraziun da la plaiv 80-100 %.
Sias incumbenzas:
- sustegn operativ da la suprastanza da la plaiv
- direcziun da las collavuraturas e dals collavuratuors da l’administraziun da la plaiv, inclusiv ils custodis, culuostras e culuosters, organistas ed organists e persunas da l’instrucziun da religiun
- planisaziun dal persunel e coordinaziun da substituziuns
- direcziun administrativa da dumandas da persunel scu eir da finanzas e dals quints
- rediger protocols da tschantedas da la suprastanza, da radunanzas e tschantedas da cumischiuns scu eir da missivas per radunanzas da la plaiv e votaziuns a l’urna ed elavurer il quint annuel ed il büdschet
- organiser votaziuns a l’urna, radunanzas da la plaiv, tschantedas da suprastanza e tschantedas da cumischiuns
- gestiun da las immobiglias ecclesiasticas e da las abitaziuns dedas a fit
- respunsabilited per l’archiv da la plaiv
- respunsabilited per EED / pagina d’internet / protecziun da las datas
Nus spettains dad Ella/El:
- grandas cumpetenzas da gestiun e cumpetenzas socielas per tratter cun collavuraturas/collavuratuors, commembras/commembers ed autoriteds
- persunalited comunicativa
- möd da lavurer autonom, efficiaint ed oriento a soluziuns
- experienza da mner persunel
- cugnuschentschas dal sectur da finanzas e da contabilited, cun avantag experienza dal model da quint armoniso HRM 2
- cugnuschentschas approfundidas ill’applicaziun EED
- prontezza per temps da lavur flexibels
- bunas cugnuschentschas dal tudas-ch a buocha ed in scrit, cugnuschentschas dal rumauntsch sun d’avantag
- commembra/commember da la Baselgia chantunela evengelica-refurmeda
Nus spordschains:
- lezchas interessantas in ün lö centrel cun bgera respunsabilited
- ün’administraziun da la plaiv cun equipagi modern
- bunas prestaziuns socielas tenor prescripziuns da la Baselgia chantunela
- salarisaziun tenor las directivas da la Baselgia chantunela
Sch’Ella/El ho interess per quista plazza pretensiusa, ans allegrains nus da Sia candidatura fin als 30 gün 2023 a Lucian.Schucan@refurmo.ch. Per eventuelas infurmaziuns staun gugent a dispusiziun il president da la Plaiv evangelica-refurmeda Engiadin’Ota Lucian Schucan, tel. 079 327 74 90 u il vicepresident Michael Pfäffli, tel. 081 833 40 39.
