cuschinunz/-a(s) per la maisa da mezdi

cuschinunz/-a(s) per la maisa da mezdi

Viver e lavurar i’l center da l‘Engiadina
Per cumplettar nos team tscherchain nus cuschinunz/-a(s) per la maisa da mezdi 1 fin 4 dis l’eivna a partir dals 23 october 2023

Nossa scoula s’ingascha per svilups pedagogics e dominescha las sfidas, instruischa cul model C ed es averta per müdamaints e per perfecziunamaints. A partir da l’utuon 2023 offrischa la scoula Zernez svess la maisa da mezdi a lur scolaras e scolars.

Perquai tscherchain nus üna o plüssas persunas ingaschadas chi sun prontas da cuschinar dürant il temp da scoula tanter ün fin quatter dis l’eivna ils giantars per la maisa da mezdi.

Ella/El surpiglia tanter oter las seguaintas incumbenzas e respunsabiltats principalas:

• Planisaziun e preparaziun da giantars sans, variats e nudritivs.
• Observaziun da tuot las directivas d’igiena e da sgürezza in connex cun l’elavuraziun da mangiativas.
• Resguardar las prescripziuns da nudrimaint e d’allergias.
• Chüra e nettiamaint da la cuschina e dal sectur da lavur.
• Collavuraziun cun il team da cuschina e cun la direcziun da scoula.

Nus spettain üna persuna plain paschiun pel nudrimaint sandaivel e l’art da cuschinar.
Ella/El es iniziativ(a), lavura conscienziusa- ed independentamaing, ha gugent contact cun glieud ed es discreta.

Nus spordschain üna lavur variada e vasta in ün team flexibel chi funcziuna bain, üna paja correspundenta sgüra e bunas prestaziuns socialas.
Ultra da quai ha El/Ella gronda libertà illa planisaziun ed illa creaziun da cuschinar, ill’organisaziun ed i’l svilup dad aignas ideas.

L’entrada in plazza es als 23 october 2023 obain tenor cunvegna. Lö da lavur es Zernez.
Per ulteriuras infuormaziuns sta il president dal cussagl da scoula Jürg Wirth (079 438 50 08) gugent a disposiziun.

Si’annunzcha in scrit, culla documainta üsitada, es da trametter per plaschair per e-mail al president dal cussagl da scoula juerg.wirth@zernez.ch, obain a la seguainta adressa: Cumün da Zernez, Scoula, Urtatsch 147A, 7530 Zernez.