mnedra/mneder da la Chesa Planta a Samedan

Arbeitgeber: Fundaziun de Planta-Samedan

mnedra/mneder da la Chesa Planta a Samedan


Per mner il center da cultura regiunel cun irradiaziun surregiunela illa Chesa Planta tschercha la Fundaziun de Planta a Samedan per la fin da l’an 2020 üna successura/ün successur per il mneder actuel chi vo in pensiun scu

mnedra/mneder da la Chesa Planta a Samedan

per ün pensum da 30% - 50%

Las lezchas sun:

  • gestir l’activited operativa ed administrer il secretariat da la fundaziun
  • esser respunsabel per la concepziun, planisaziun e realisaziun dal program culturel da sted
  • fer il Fund-Raising e tschercher sponsuors per la finanziaziun
  • guider las collavuraturas ed ils collavuratuors
  • svilupper il concept per il museum d’abiter e las bibliotecas
  • collavurer cun instituziuns culturelas localas e regiunelas

Las aspettativas sun:

  • interess vi da la cultura rumauntscha e l’Engiadin’Ota
  • experienza sül champ da l’intermediaziun culturela
  • cugnuschentscha da las linguas naziunelas e da l‘inglais
  • savair dispuoner, mner e lavurer independentamaing

D’avantag sun üna furmaziun i’l champ da la cultura, esser svess activ culturelmaing, cugnuschentscha dal puter u vallader ed avair dmura in Engiadin’Ota. Nus spordschains ün champ da lavur multifar cun granda independenza in ün ambiaint culturel fascinant.

Il mneder da fin uossa Robert Grossmann (rgrossmann@bluewin.ch / 079 850 15 45) ed il president dal cussagl da fundaziun Chasper Pult (ch.p@promediala.ch/081 655 10 46) respuondan gugent a vossas dumandas.

Gugent spettainsa vossas annunzchas cun la solita documentaziun fin als 22 favrer 2020 via e-mail a l’adressa ch.p@promediala.ch.

Kontakt

Fundaziun de Planta-Samedan
7503 Samedan
081 655 10 46
ch.p@promediala.ch
Website