Ün pedel / üna pedella 100 %

Arbeitgeber: Cumün da Scuol - Administraziun cumünala
  •   Scuol
  •   Vollzeit
  •   Festanstellung / Unbefristet
  •   ab 01.02.2022

Ün pedel / üna pedella 100 %


No tscherchain

Ün pedel / üna pedella

pella chasa da scoula da Scuol


Sias incumbenzas

El/Ella es respunsabel/respunsabla pel mantegnimaint da l'implant da scoula. El/Ella fa independentamaing
lavurs da pulir e da mantegnimaint ed es respunsabel/respunsabla pella sgürezza al lö, quai in stret contact culla direcziun da la scoula.

El/Ella maina eir la squadra da pulir. Seis ingaschamaint quotidian – cun mantgnair ils stabilimaints e lur contuorns, cun preparar las localitats da scoula (cumprais la halla da gimnastica), cun pulir e prestar ulteriurs servezzans – es üna contribuziun importanta a favur da la generalità. Quai impustüt per nossas scolaras/noss scolars e pellas persunas d'instrucziun, ma eir per ütilisaders externs sco societats e privats dadour il temp da scoula.


Nossas pretaisas

El/Ella ha fini ün giarsunadi da mansteran(a) e fat la scolaziun da pedel cun certificat professiunal federal resp. ha l'interess da far quista scolaziun. El/Ella ha bunas cugnuschentschas da la lingua rumantscha e tudais-cha sco eir dal PC (Outlook, Word, Excel) pellas lavurs administrativas.

El/Ella dispuona da bunas manieras, da resistenza e flexibiltà. Plünavant ha El/Ella il dun da s'adattar a las differentas gruppas d'interess (direcziun da la scoula, persunas d'instrucziun, scolaras e scolars) e d'agir cun calma e ponderaziun in situaziuns hecticas.

Ün domicil illa regiun – cun ün temp da viadi maximal da 30 minuts – es cundiziun per ch'El/Ella possa esser svelt al lö in cas urgiaints (p. ex. naiveras).


Nossa sporta

No spordschain üna lavur ourdvart variada in ün ambiaint plain vita sco eir pussibiltats interessantas da's sviluppar e cundiziuns d'ingaschamaint attractivas. 

Entrada in plazza 1. favrer 2022 o tenor cunvegna

Infuormaziuns

Arno Kirchen (081 861 27 22), manader da las gestiuns tecnicas o Elmar Schöpf (079 388 07 59), pedel.

Annunzcha

No'ns allegrain da surgnir Sia annunzcha culla solita documainta fin il plü tard als 31 lügl 2021.

Eir annunzchas da persunas 50+ sun bainvissas.

Adressa: Administraziun cumünala, per
mans da la direcziun, Andri Florineth, Bagnera 170, 7550 Scuol.

Kontakt

Cumün da Scuol - Administraziun cumünala
per mans da la direcziun, Andri Florineth
Bagnera 170
7550 Scuol
Website